Творчая каманда РЦКіНТ падрыхтавала цудоўную праграму, прадумаўшы ўсё да дробязі: ад прыгожага афармлення столікаў з хваінкамі да дэманстрацыі фрагментаў любімых навагодніх кінастужак.
На сустрэчу з сябрамі ў “шчодры вечар” прыйшлі не толькі завадчане, але і прадстаўнікі будаўнічай галіны, педагогі, падзвіжнікі турызму, творчая інтэлігенцыя… Свае лепшыя песні ім дарылі ў гэты вечар Дзмітрый Паноў і Дзмітрый Паварга, Валянціна Маркевіч і Дар’я Бочка.
Не абышлося без карагодаў з Дзедам Марозам і Снягурачкай, каляднай варажбы, цукерак з прадказаннямі і навагодніх пачастункаў, а яшчэ — аптымістычных прагнозаў на год прадстаячы.