У госці да жыхароў аддалённых і маланаселеных вёсак Малявічы — Старадубраўка, Варонішкі завіталі работнікі сектара па нестацыянарнаму абслугоўванню насельніцтва Шчучынскага раённага цэнтра культуры і работнікі Ражанкаўскага Дома культуры. Яны падрыхтавалі для сялян канцэртныя праграмы пад назвамі “Лёгка на сэрцы ад песні вясёлай” і “Жадаем шчасця”. Работнікі культуры весялілі сталых людзей песнямі і байкамі.
Мерапрыемства скончылася, але добрыя ўспаміны аб ім будуць яшчэ доўга грэць душу і сэрцы вяскоўцам.
Рэжысёр сектара па нестацыянарнаму абслугоўванню
насельніцтва Валянціна Маркевіч
Фота аўтара