У гэты знакавы дзень чатырнаццацігадовыя юнакі і дзяўчаты атрымалі галоўны дакумент грамадзяніна Рэспублікі Беларусь – пашпарт. Па традыцыі ў Дзень Канстытуцыі самыя актыўныя і ініцыятыўныя школьнікі папоўнілі рады грамадскага аб’яднання «БРСМ». Падчас урачыстасці дыпломы з падарункамі атрымалі прызёры і пераможцы раённага фотачэленджа «Самай ласкавай, цудоўнай». Душэўна, кранальна гучалі музычныя нумары ў выкананні артыстаў цэнтра культуры і народнай творчасці. Здавалася, што кожны, хто знаходзіўся ў гэтай вялікай зале, адчуваў асаблівы гонар за сваю родную краіну, за нашу родную сінявокую Беларусь. 
