Сапраўдны падарунак зрабілі жыхарам і гасцям аграгарадка Каменка арганізатары і ўдзельнікі брэндавага мерапрыемства “Свята дзеркача”.

Усе, хто прыйшлі ў нядзелю на святочную пляцоўку, атрымалі моцны зарад пазітыву і добрага настрою. З першых хвілін з’яўлення на сцэне Саўкі і Ганны стала зразумела: сумаваць гледачам не прыйдзецца.

Кожны нумар, без перабольшвання, прыцягваў увагу гледачоў таленавітасцю ідэі і якасцю выканання. Як вынік – на працягу больш чым трох гадзін панавалі вяселле і  смех. З аднаго боку, дзякуючы крэатыву і гумару ўдзельнікаў, а з другога – якаснай рабоце сувядучых свята. На працягу свята гучалі вясёлыя песні, інсцэніроўкі, гумарэскі ў выкананні народнага ансамбля беларускай песні “Сябрына” Жалудоцкага Дома культуры і артыстаў Астрынскага Дома культуры і тэатральнай творчасці. На свяце была прадстаўлена цікавая выстаўка дзеркачоў мясцовых масцярыц.

Маленькія жыхары Каменкі з радасцю весяліліся, танцавалі, гулялі ў гульні, размалёўвалі скульптуры з гіпсу.

“Свята дзеркача” атрымалася вельмі каларытным і насычаным.

 

Гардзейчык Наталля Станіславаўна – вядучы метадыст аддзела арганізацыйна-метадычнай работы ДУК “Шчучынскі раённы цэнтр культуры і народнай творчасці”.

Фота аўтара.

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники